ရွှေရင်အေးလုပ်နည်း

မေမေတို့ရေ

သင်္ကြန်ပိတ်ရက်ဆိုတော့ မိသားစုကလည်းစုံနေတယ် နွေရာသီဆိုတော့ ရာသီဥတုကလည်း ပူနေတယ်လေ ဒီလိုချိန်မှာ အရသာရှိတဲ့ ရွှေရင်အေးလေး သောက်လိုက်ရရင် ကွက်တိပဲနော် ဒါကြောင့် ရွှေရင်အေးလုပ်နည်းလေးကို ပြောပြပေးလိုက်ပါတယ်

ဘာမှမလုပ်ခင်

• PEP နို့စိမ်း ၁ဘူး
• ကျိုထားပြီးသား သာကူ
• မုန့်လက်ဆောင်းဖတ်
• ကောက်ညှင်းပေါင်း
• အုန်းနို့ကျောက်ကျော
• သကြား
• ရေခဲ
• ဆားအနည်းငယ် စီတို့လိုအပ်ပါမယ်

ပြီးရင် အုန်းနို့ကျောက်ကျောလုပ်ဖို့အတွက် သကြား၊ PEP နို့စိမ်းဘူးတွေကို ရေနဲ့ရောကျိုပါ။

ပျစ်လာပြီဆိုရင် အအေးခံလိုက်ရုံပါပဲ မုန့်လက်ဆောင်းဖတ်အတွက်ကတော့ ဆန်မုန့်၊ ကော်မုန့်၊

ဆား၊ ဆွမ်းမွှေးရည် တွေကိုပြင်ဆင်ပါ။

ရေနွေးပူပူထဲမှာ ဆန်မုန့်၊ကော်မုန့်၊ဆား တွေကိုထည့်ပြီး

ပျစ်လာတဲ့အထိကြိုပေးရပါမယ်။

ဆွမ်းမွှေးရည်နဲ့ အရောင်ထည့်ပြီး ရေခဲရေထဲမှာ ဇကာလေးခံပြီးလောင်းထည့်လိုက်ရင် မုန့်လက်ဆောင်းဖတ်လေးရပါပြီ ။

နောက် PEP နို့စိမ်း ၁ ဘူးခွဲလောက်ကို ရေနဲ့ ဖျော်ပြီး နို့စိမ်းရည်လုပ်ပါ

သကြားကိုလည်းရေနည်းနည်းလေးနဲ့ ပျော်ရုံလေးအပူပေးပါ

ဒါတွေအားလုံးရပြီဆိုရင်တော့ မုန့်လက်ဆောင်းဖတ်၊ ကောက်ညှင်း၊

ကျောက်ကျော၊ သာကူ၊ ရေခဲလေးထည့် သကြားရည်၊ PEPနို့စိမ်းရည်လေးစမ်းပြီး အရသာရှိတဲ့ ရွှေရင်အေးလေးကို သုံးဆောင်လို့ရပါပြီနော်...